Subscribe in a reader

Sunday, October 28, 2012

අනේ බං චේ




ගමට වෙලා
කාලා ඇඳලා
ඉන්න බැරුව,

සපාන් එකේ

යුද්ධ කරලා
දිනපු එකේ
ඉන්නේ නැතුව,
කියුබාවෙ
 

දෙන්න ගෙහුං
බොලිවියාවේ
මැරුම් කළා
ගෙවී ගියත්...
හුඟක් කලක්


අපේ හැත්ත
මෙහෙ තවමත්
කුණු කොල්ලේට
විකිණනවා...
උඩ දාගෙන


චේ ලාබයි... චේ ලාබයි....


පද වල නම් ඒ හැටි ගැලපීමක් නෑ. ඒත් එහෙම වුනා කියලා ඇත්ත වෙනස් වෙන්නේ නෑ !!.


Thursday, August 9, 2012

අපේ සියැටල්ගේ කතාව


මේක ඇහැ ගැටුනේ ඊයේ. දැක්ක ගමන් බ්ලොග් එකේ දාන්න ඕනේ කියලා අංකල් හිතාගත්තා. මොකද අංකල් පරිසරේට බොහොම ආදරේ කොරන මනුස්සයෙක් හින්දා. නමුත් අද, ලෝක ආදිවාසී දිනයේම මේක දාන එක වැදගත් කියලා හිතුන නිසා කඩිමුඩියේ දාන්නේ. මේ වෙලාවේ අංකල් හරිම කාර්යයබහුලයි. ඒ නිසා අංකල්ගේ කොලම| ‍ෆේස් බුක් පිටුවට ලියාපු පොස්ට් එකම කොපි පෙස්ට් කොරනවා. මයේ දරුවෝ කියෝලා බලන්ටකෝ :)






▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬


ශ්‍රේෂ්ඨ රතු ඉන්දියානු නායක සියැටල් පිළිබධව ඔබ අසා ඇතුවාට සැකයක් නැහැ. ඔහු ඇමරිකානු ජනාධිපතිවරයා වෙත ලියු ලියමනෙහි  පරිසරය සම්බන්ධයෙන් දැක්වූ අදහස් නිසා අදත් ලෝකයේ සම්භාවනාවට පත්‍ර වනවා. නිසැකවම ඔබත් ඒ ලිපිය කියවා ඇති. ඔබත් ඔහුව අගය කරන්න ඇති.

මතු දැක්වෙන්නේ අපේ ආදිවාසී නායක ඌරුවරිගේ වන්නියලැත්තන් විසින් 2009 වර්ෂයේ කරන ලද කතාවක්.එයත් සියටල්ගේ ලියමනට දෙවැනි නැහැ. කරුණාකර කියවා බලන්න. ඔහු විසින් මතු කරනා කාරණාවල කොයි තරම් සත්‍යයක් ගැබ් වෙලා තියෙනවද කියා.

Monday, August 6, 2012

සංගා අපිට අපි සංගාට

පොඩි කාරණාවක් ගැන දැනුම් දෙන්ට පොස්ට් එක දාන්නේ. මයේ පුතාලා දුලා නම් මේක නොදැන ඉන්න විදියක් නැහැ. නමුත් වැරදිලාවත් නොදන්නා කෙනෙක් ඉන්නවනම් දැනුවත් වෙයි කියලායි දාන්නේ.


 ඔය ජාත්‍යන්තර ක්‍රිකට්‌ කවුන්සිලය ඒ කිවේ අයි.සී.සී එක විසින් වාර්ෂික සංවිධානය කරනු ලබන අයි.සී.සී. ක්‍රිකට්‌ සම්මාන උළෙලේ 2012 වසරේ ජනප්‍රියම ක්‍රීඩකයා කියන සම්මානේට අපේ කුමාර සංගක්කාර කොලුවා නිර්දේශ වෙලා. මේක ලබාදෙන්නේ ‍ෆේස්බුක් හරහා කරන ජන්ද විමසීමකින් වැඩිම ජන්ද ලැබුණු කෙනාට. ගිය අවුරුද්දෙත් ඔය ජනප්‍රියම ක්‍රීඩකයා කියන සම්මානෙයි, වසරේ එක්දින ක්‍රීඩකයා  කියන සම්මානෙයි දෙකම ලැබුනේ අපේ කොල්ලාටම තමා.


ඉතින් තවම අපේ කොලුවට ජන්දේ නොදීපු දරුවෙක් ඉන්නවනම් ඉක්මනට මෙතන කොටලා ජන්දේ දෙන්න. https://www.facebook.com/cricketicc/app_331574723602903

සමහරවිට ඔය දරුවෝ කලින් ජන්දේ දීලා ඇති. නමුත් ඒක විතරක් මදි පුතේ. පුළුවන් තරම් අනිත් ඈයෝ  දැනුවත් කරලා අපේ කොල්ලට ජන්දේ අරන් දෙන්න ඕනේ. අපේ එකාට අපි සපෝට් එක දෙන්නේ නැතුව  කවුරු සපෝට් එක දෙන්නද ළමයිනේ. ඔය ළමයින්ට පුළුවන් මේ ගැන කියලා බුකියේ ස්ටේට් 1 ක් දාන්න.

Tuesday, July 31, 2012

ධර්මද්වීපයේ බුදුදහම





සංග්‍රාමික යුද්ධය නිම වෙලා අවුරුදු තුනක් ගතවෙලා. යුද්ධයෙන් පස්සේ දීප්තිමත්, පැහැබර අනාගතයක්, හෙවත් වර්තමානයක් අපි අපේක්ෂා කරත්, විය යුතු ලෙසම අපිට ඉතුරු වෙලා තියෙන්නේ ඉතාමත් සංකීර්ණ ප්‍රශ්න පිරි සමාජයක්. අන්තේටම පිරිහුණු සමාජ සාරධර්ම සහ දුෂ්කර ආර්ථික ගැටළු පශ්චාත් යුධ අවදියක් ගතකරන ඕනෑම සමාජයක් අනිවාර්යයෙන්ම බලාපොරොත්තු වියයුතුයි වගේම ඒවා නිවැරදි කරගතයුතුයි.

සමාජ සාරධර්ම, ගුණදහම් සුනුවිසුනු කරමින් මිනිස්සු අන්ත තිරිසන් තත්වෙට වැටිච්ච පුවත් හතර වටෙන් අහන්න දකින්න ලැබෙන වෙලාවක අනිවාර්යයෙන්ම අවධානය යොමු කළයුතු දෙයක් තමයි ආගම   කියන්නේ. මොකද මේ වන තෙක්ම ලෝකයේ සමාජ හර පද්ධතියට වැඩි දායකත්වයක් ලබා දී ඇත්තේ ආගම් තුලින් වීම නිසා.

ගත වන කාලය බුදුදහම සම්බන්ධයෙන් අභියෝගාත්මක කාලයක් බවයි පෙන්න තියෙන්නේ. ‍අකලට පහළ වුනු ෆෙක්‌ බුදුන්ලා, ඔළුව නරක් වෙච්ච සිරිධම්ම වගේ පිස්සෝ, බුදුදහම සමගත් නිදිවදින්න හදන දේසපාලුවෝ. භික්ෂු දේශපාලනය වළක්වන පනත්, මුලධර්මවාදීන් සහ බෞද්ධ සංවිධාන අතර ගැටුම් වගේම බුදුදහමට එරෙහිව අන්තර්ජාලය තුල ගෙන යන මඩ ව්‍යාපාර වගේ අටොරාශියක් සිදුවීම් අතර, අගක් මුලක් මැදක් නැතුව බුදු දහම පිළිබඳව මතුවී ඇති වර්තමාන තත්වය කතාකරන්නයි මේ සුදානම....




Sunday, July 29, 2012

මේ අගහරුවදා රාත්‍රී 8.30 ට




ඉස්සර පන්සලට ගිහින් පහනක් පත්තුකරලා වැලි මළුවේ කෙළවරට වෙලා ඉදගෙන ඉන්නකොට පුදුම සැනසීමක් අත්වින්දා....  මල් සුවදත් එක්ක එකතුවුන හදුන්කුරු සුවදත් අරගෙන සුළං රැලි දුවගෙන එන්නේ බෝ ගහේ කොළ සිලි සිලි හඬින් හොලවගෙන...  ඒ හුළඟ ජිවිතේ හැම දුකක්ම ඈතට අරන් ගියා....

Tuesday, April 3, 2012

පිළුණු වූ ජිනීවා ගැන


පහුගිය දිනවලනම් ජිනීවා  නම දුටු සැණින්ම ඔබේ අවධානය ඒ වෙතට යොමුවෙන්න ඇති. නමුත් මේ වනවිට එය ඇල්මැරුණු, පිළුණු වූ මාර්තෘකාවක් බව අංකල් දන්නවා.කොහොම නමුත් ජිනීවාකියන්නේ අමතක කලයුතු මාර්තෘකාවක් නොවන හින්දත්, කාලවේලාව නොමැතිකමින් අංකල්ට හුග දවසකින් මුකුත් ලියන්න බැරි වුන හින්දත්, ජිනීවාගැන කතාකරන්නයි මේ සුදානම...






ජිනීවාප්‍රශ්ණය ඇති වෙන්න කලින් අවසන් යුද්ධය සම්බන්ධව ශ්‍රී ලංකාවට එල්ල වෙච්ච ලොකුම ජාත්‍යන්තර බලපෑම තමයි දරුස්මාන් කමිටුව.ගියවර මානව හිමිකම් සමුළුවෙන් පසුව කියවුන දෙයක් තමයි මෙවර ශ්‍රී ලංකාව පිලිබදව  සාකච්ඡා වියහැකි බව.නමුත් ඇමරිකාව ලංකාවට එරහිව යෝජනාවක් ගෙන එවියැයි  කිසිවෙකුත් හිතුවේ නැහැ.එක අතකින් ලෝකයේ ලොකුම යුධ අපරාධකරුවා ලංකාවට එරහිව මෙවැනි යෝජනාවක් ගෙන එම විහිළුවක්. ඇමරිකාවේ මෙම යෝජනාව හමුවේ විවිධ පාර්ශව විවිධ අකාරයේ ප්‍රතික්‍රියා දැක්වුවා.


Wednesday, February 15, 2012

ආදරය + කියන තරම් වැලා කළුද ?

ආදරය... 
 

 ආදරය කියනේ බොහොම සුන්දර හැගීමක්.පෘතජ්ජන හිතක පහළ වෙන්න පුළුවන් උත්තරීතරම හැගීම තමයි ආදරය.එකිනෙකාට ආදරයෙන් තුරුලුවෙලා ගතකරපු නිමේශක මතකය............ හැම භවයකදීම එක්වෙන්න ලැබෙන්න කියලා හිතාගෙන විහාර මළුවේ කොනක පත්තු කරපු පහන්සිලේ ආලෝකය.........වික්ටෝරියා පාක් එකේ ගල් බංකුවක්‌ උඩ දිග ඇරිච්ච බත් පතේ රස............ තවමත් උණුහුම දැනෙන හාදුවැල් වල මිහිර....... අපි හුගදෙනෙක්ගේ මතකයේ තැන්පත්වෙලා තියෙනවා.නමුත් සමහරවෙලාවට අතීතය ඒ තරම්ම කාරුණික වෙන්නේ නැහැ.සංසාරේ පුරාවට හැම භවයකදිම පතාගෙන ආවයි කියලා හිතාගෙන පුරපු ආදරය සීසීකඩව බිදිලා විසිරිලා ගිය දුක්බර අතීත මතකත් අපි හුගදෙනෙක්ගේ හිත් අස්සේ හැංගිලා තියෙනවා. වැහි බිංදුවලින් රටා  අදින පාරදිගේ, පුංචි කුඩයකට ගුලිවෙලා ඇවිදින පෙම්වතුන් දැක්කම.............රතු පාට හැන්දෑවක මුහුදේ ගිලෙන ඉර දිහා බලාගෙන හීන අදින පෙමව්තුන් දැක්කම......... මතක්වෙන්න මතකත්, උනන්න කදුළුත් අපි හුගදෙනෙක් ගාව ඉතුරුවෙලා තියෙනවා.



ආදරය  ගැන විවිධ අය විවිධ නිර්වචන ඉදිරිපත් කරනවා.එක් පිරිසකට ආදරය කියන්නේ ආත්මගත බැදීමක්.තවත් පිරිසකට ආදරය කියන්නේ හුදු ලිංගික තෘප්තිය වෙනුවෙන් පවත්වාගෙන යන සම්බන්ධයක්.ඇත්තටම ආදරය කියන්නේ අධ්‍යාත්මික බැදීමක්ද? නැත්නම් කායික බැදීමක්ද ???.

ජිවිතයක් බේර ගන්න පුංචි උදව්වක් කරනවද?

ජීවිතය කියන්නේබොහොම සුන්දර දෙයක්.අපි ජීවිතේදී කොච්චර හීන දකිනවද.දැකපු හීන සැබෑ වෙද්දී කොච්චර සතුටක් දැනෙනවද.සමහර හීන බිදිලා යනකොට දැනෙන්නේ දුකක්.හැබයි ජිවිතේ කියන්නේ දුකෙත්,සතුටෙත් එකතුවක්.සතුට, දුක, ආදරය, විරහාව සියල්ල මැද්දේ  ජිවිතේ විදිද්දී හදිස්සියේම ඔබට‍ පිළිකාවක්!! හැදිලා කියලාදැනගන්න ලැබුනොත් ඔබට‍ මොනවා හිතේවිද?. ඔබට‍ දැනේවි  මුළු ජිවිතෙම කඩාවැටුණු බවක්.අහස උසට මවපු හීන බොදවෙලා යද්දී...  ඔබට‍ හිතේවි මුළු ලෝකයම පාළු මුසල හිස් අවකාශයක් විතරයි කියලා.

නමුත් කවුරු හරි කිව්වොත් ඔබව සුව කරන්න පුළුවන් කියලා.එතකොට ඔබ ආයිමත් හීන දකින්න පටන් ගනීවි.බලාපොරොත්තුවක එළියෙන් ඔබේ ඇස් දිලිසෙවී.උදෙට ඉර නගින හැටි බලන්න........ගලායන ගංගාවක වතුර ගලන සද්දේ අහන්න........පිනිබිඳු වලින් තෙත් වෙච්ච තණ පලසක දිව යන්න..... වාසනාව නැවතත් ඔබට ලැබෙන බව දැනගත්තම ඔබේ මුව මත සිනහා මල් පිපේවි.....  එහෙත්!! ඔබේ ජීවිතය බේරා ගැනීමට  රුපියල් 220,000.00 ක මිලක් නියමවෙලා කියලා දැනගන්න ලැබුනොත්... ඔබේ අසරණ දෙමව්පියන්ට ඒතරම් වත්කමක් නොමැතිබව  දැනගන්න ලැබුනොත්....ඔබ ඔබට‍ම සාප කරාවි.දරාගන්න බැරි අසරණකමක් ඔබට දැනේවි.



Monday, February 6, 2012

නිදහස් දින තුනක් ඇති රටක නිදහස

64 වන නිදහස් දිනය  ගෙවී ගියේය..අනුරාධපුරයේදී පැවත්වූ අභිමානවත් උළෙලකින්ද, ගෙයක් ගෙයක් පාසා එසවුණු ජාතික ධජ වලින්ද, වෙනදාට සපෙක්ෂ්ව අඩු වෙළද දැන්වීම් ප්‍රමණයකින්ද සංකේතවත්වූ දිනයක් ගෙවී ගියේය...




"සිය යටත්විජිතයන් අත්හැරීමට ක්‍රියාකල ඉංගිරිසින් අතින් 1948 පෙබරවාරි 4 වෙනිදා මෙරටට නිදහස ලැබුනා.යටත් වෙච්ච් දවසේ ඉදන්ම සුද්දන්ගෙන් නිදහස් වෙන්න අපේ මුතුන්මිත්තන් සටන් කලත් විවිධ හේතුන් නිසා ඒ සටන් පරාජයට පත්වුණා.අවසානයේදී අපිට නොමිලේම නිදහස ලැබුනා.ඒ වුනත් ඒ නොමිලේම හම්බවුනු නිදහස නාමික නිදහසක් විතරයි. 1948 ඉදන් 1972 වෙනකන්ම අපි හිටියේ බ්‍රිතාන්‍ය කිරීටයට යටත් වෙලා.බ්‍රිතාන්‍යයට පක්ෂපාතීව වැඩ කරන්න අපි බැදිලා හිටියා.ඒ වගේම ලංකාවේ  සියලු රාජ්‍ය කටයුතු සිදු කෙරුණේ මහා බ්‍රිතාන්‍යයේ අති උත්තම මහාරාජාණන් වහන්සේගේ නාමයෙන්.කොහොම නමුත් විශාල පරිසරික  සහ සංස්‌කෘතික විනාශයකින් පසුව 1948දි  සුද්දෝ අපේ රටෙන් යන්න ගියේ අපේ රටේ සාරය අතිපදං  උරාබිව්වට පස්සෙයි

Thursday, February 2, 2012

ලේසි නැති ලීසිං


 මේ වනවිට ලංකාවේ පුළුල් මාර්ග සංවර්ධනයක් සිද්ද වෙනවය කියන එක අපි හැමෝම දන්න කියන කාරණයක්.ඒ වගේම දවසින් දවස විශාල වාහන කන්දරාවක් මාර්ග පද්දතියට එකතු වෙනවය කියන එකත් හැමෝටම පෙන්න තියෙන දෙයක්.ලොකු ඇත්තන්ගේ වහාන විදියට සැලකෙන "හමර්"  "ඇස්ටින්මාටින්"  ‍"ෆෙරාරි" වගේ වාහනත් අද වෙනකොට ලංකාවේ මාර්ග වලට එකතු වෙලා. ලංකාවේ තරුණ ගැටව් මේ වගේ නවීන පන්නයේ වහාන වලට බොහොම මනාපයි.කොළඹ මෝටර්රථ  ප්‍රදර්ශනයෙදි බොහොම ආදරෙනේ මේ නවීන වාහන අතපත ගාන ලංකාවේ බහුතර මධ්‍යමපාන්තික තරුණ ප්‍රජාවට කාර් එකක් කියන්නනේ සැබෑ නොවන හීනයක් විතරයි.ඒ ගොල්ලන්ට හැබෑ කරගන්න පුළුවන් හීන විදියට තියෙන්නේ මෝටර්බයික් 1ක් හරි ත්‍රීවීල්එකක් හරි විතරයි. නමුත් හුගක් අයට එහෙම දෙයක් ගන්නවත් වත්කමක් නැහැ. ඉතින් ඒගොල්ලොන්ට තියෙන එකම විකල්පය ලිසිං කොම්පැනියක පිහිට පතන එක විතරයි. ඔය ලිසිං කාරයෝ මිස්සුන්ව හුරගෙනම කනවා.මේ විදියට ලිසිං කොම්පැනියක් හරහා වාහනයක් ගන්නකොට වාහනයේ වටිනාකමට වඩා වැඩි මුදලක් ගෙවන්න සිද්දවෙනවා. ත්‍රීවීල් 1ක් ගන්නවනම් අවම වාරිකය රුපියල් 9000ක් විතර වෙනවා.ඒ මදිවට ලිසිං ඇරියස් උනොත් පොලි ගෙවන්නත් ඕන.  එත් යාන්තම් එදාවෙල පිරිමහා ගන්න මිනිස්සුන්ට අකමැත්තෙන් හරි ලිසිං 1ක් දානවා ඇරෙන්න වෙන විකල්පයක් නැහැ.

ලීසිං 1ක් දාලා ත්‍රීවීල් එකක් ගන්න මධ්‍යමපාන්තිකයෙකුට දැනෙන්නේ රටක් රාජ්‍යයක් දිනුවා වගේ සතුටක්. කොළඹ රටෙදිනම් නවගමුව දේවාලේන් දෙහිගෙඩි වැලක් එල්ලලා වහානේ පාරට දාන්නේ ලස්සන අනාගතයක හිනත් එක්කමයි.

"රෝද තුනක් උඩ හීන ගොඩක් ඇත"

Friday, January 27, 2012

ආයුබෝවන්෴

ආයුබෝවන්. මගේ බ්ලොග් අඩවිය අද ඉදන් පටන් ගන්නවා. මේ පැත්තට ඇවිත් අදහස් බෙදා ගන්නය කියලා දුවලා, පුතාලා හැමෝටම අරාධනා කරනවා. පහල තියෙන්නේ නන්දා මාලනීයගේ මං බොහොම ආස කරන ගීතයක්.


Related Posts Plugin for WordPress, Blogger...