Subscribe in a reader

Monday, April 22, 2013

වෙසක් පොහොය දිනයේදී තොරණ සහ වෙසක් කලාප තහනම් කරනු. එත් ඇයි ?



කොහොමත් රෑට ලස්සන කොළඹ පාට ලයිට් වලින් වැහිලා සුරපුරක සිරිගද්දී... බෙග් මාස්ටර්ගේ සිංදුවකින් කණ පුරවන් ඉස්සරහටම ඇවිදන් යන ඔයාගේ මුහුණ තෙමපු වතුර තුවක්කුවේ අයිතිකාරයා මම වෙන්න පුළුවන්... සමහරවිට ඔයා පහුකරන් ආපු බොන්ගෝ එකක් ගහගෙන පිස්සු නටන කොලු රෑන අතරේ මම ඉන්න පුළුවන් .... එහෙමත් නැත්තම් කණ ගාවම හඬ තලපු සැර නලා සද්දේට තිගැස්සුණු ඔයා ගෙදර යනකම්ම අපේ අම්මව මතක් කරන්නත් ඉඩතියෙනවා... :D

මැයි මාසේ පටන් ගත්ත ගමන් සී.ආර් පොතක් උස්සන් ගමවටේ යන එකයි වෙසක් උත්සවය වෙනුවෙන් අපි හා හා පුරා කියලා ඉෂ්ඨ සිද්ධ කරන කාරණාව... ඊට පස්සේ සල්ලි එකතු කරන්න යන දවස් ටිකේ දෙයියනේ කියලා සයිවර් කඩෙන් කොත්තු කන්න පුළුවන්.. පිං අතේ වැඩක් කරන්නත් හයිය හත්තිය තියෙන්න එපැයි... නොකා නොබී කොහොමද :D

සිල වීයාපාරේට දානේ බාර ගන්න කියලා ඉස්කෝලේ පන්තිබාර මැඩම් රුපියල් දහක විතර දඩයක් දාන එකයි... දහම්පාසලේ කුඩු තරෙගට කුඩු හදන්න පන්සලේ නයිට් ගහන එකයි අනුපිළිවෙලට එනවා... කිව්වට මොකද මං නම් අටපට්ටමක්වත් හදන්න දන්නේ නැහැ.. අමාරුවෙන් නෙළුම් මලක් හැදුවත් ඒක නිකන් පිසාහි ඇලවෙන කුළුන වගේ.... හැබැයි ඉතින් දහම් පාසලෙයි ඉස්කෝලෙයි කුඩු තරඟවලින් දෙවැනි තැන දිනලා තියේ.. සෙටිපිකට් එකත් තියෙනවා ගෙදර.. මගේ අවංක අතිජාත මිත්‍රයෝ උන් හදපු ඒවාට මගේ නමත් දැම්මා... කුඩු හදද්දී මං උන්ට ජෝක් කර කර වද දුන්න විතරයි :) දහම් පාසලේ තරගේදිනම් සල්ලිත් හම්බවුනා ^_^

Related Posts Plugin for WordPress, Blogger...